Que está a pasar?

Novas

xoves, 22 Febreiro, 2018
Monte Pindo lanza en Google os roteiros de sendeirismo de Carnota

A Asociación Monte Pindo Parque Natural presenta publicamente os froitos do seu proxecto Trekker Monte Pindo,  desenvolvido  por esta entidade durante o 2017 en colaboración con Google, que permitiu mapear virtualmente os sendeiros de Carnota, nunha aposta decidida pola revalorización do medio natural e pola promoción do territorio.

Grazas a este ambicioso proxecto, desenvolvido coa participación de voluntariado, na actualidade pódense percorrer virtualmente, desde calquera lugar do mundo, a práctica totalidade das rutas de sendeirismo do concello de Carnota, a través de plataformas como Google Street View ou Google Maps.

A presentación terá lugar en dúas xornadas: a primeira, orientada á veciñanza, o vindeiro sábado 24 de febreiro ás 18:00 horas na Lonxa Vella de Lira, e a segunda, orientada a medios de comunicación, entidades e TICs, o mércores 28 de febreiro ás 11:00 horas no Salón Real do Hostal dos Reis Católicos, en Santiago de Compostela.

En ambos actos intervirán as persoas responsables técnicas do proxecto, así como o voluntariado que participou na captura das imaxes; e proxectarase un documental de 10 minutos sobre a execución desta iniciativa, producido por Guillermo Ascanio e Miguel Mariño, coa colaboración do Concello de Carnota.

xoves, 1 Febreiro, 2018
Produtos de calidade e showcookings no programa oficial da feira é a proposta coa que a área de Turismo da Deputación da Coruña participa na 19 edición do Salón de Turismo Gastronómico Xantar que terá lugar en Ourense do mércores 31 ao domingo 4 de febreiro
Programa Relaxese 2018
venres, 26 Xaneiro, 2018
En marcha a programación do RE LAXE SE 2018, o programa de desestacionalización do turismo do Concello de Laxe.
Presentación en FITUR
martes, 23 Xaneiro, 2018
Presentouse en Madrid na Feira Internacional de Turismo (FITUR) unha nova ruta turística denominada "As pegadas de Rosalía"
venres, 19 Xaneiro, 2018
Brión, xunto con Ames e Padrón, presentaron en FITUR o proxecto conxunto dunha renovada Ruta Rosaliana. Unha iniciativa turística e cultural que quere achegar a vida de Rosalía de Castro a toda a cidadanía.

Próximos eventos

09 Feb a 27 Feb
18 Mar
29 Mar a 31 Mar

Puntos de interese

Videoteca

  • Turismo da Deputación da Coruña
  • Torres do Allo 2de2
  • Torres do Allo 1de2
  • Torres de Altamira