Chega o último trimestre do programa "Relaxese 2017"

"Nove meses, nove actividades turísticas no Museo do Mar de Laxe".
Programa Relaxese 2017
Programa Relaxese 2017
xoves, 28 Setembro, 2017

Cando se fala dun desenvolvemento sostible con respecto ao turismo, un dos conceptos de maior importancia é o da desestacionalización. E Relaxese é un proxecto pensado precisamente con ese obxectivo. Este programa que organiza a Concellería de Comercio, Hostalería e Turismo do Concello de Laxe busca favorecer a desestacionalización da oferta e a demanda turística do municipio. Neste senso, véñense celebrando en cada un dos meses do ano unha serie de actividades relacionadas cunha temática turística específica. Así, o mes de xaneiro dedicouse ao turismo científico; febreiro ao turismo gastronómico; marzo ao turismo enolóxico, e os meses de abril, maio e xuño dedicáronse aos turismos cultural, ornitolóxico e mariñeiro respectivamente.

Acabado o verán, chégalle a quenda ao derradeiro trimestre deste ano, no que desenvolveranse diferentes actividades como conferencias, exposicións e visitas guiadas, entre outros, relacionadas co turismo arqueolóxico, ecolóxico e arquitectónico para os meses de outubro, novembro e decembro respectivamente. Nos primeiros días do mes de outubro publicaranse as actividades que terán lugar.

Máis información sobre o municipio e sobre o programa na súa páxina web.