O Concello de Corcubión acolle a exposición "Xigantes" da Fundación Exponav

Dende o 19 de setembro ata o 1 de outubro poderase visitar esta exposición no cárcere vello de Corcubión.
Costa da Morte » Corcubión
venres, 22 Setembro, 2017

O Concello de Corcubión é un dos doce que acollerá esta exposición itinerante coa que se pretende dar a coñecer a importancia do Museo da Construción Naval de Ferrol e amosar como foi o proceso de construción dos grandes buques petroleiros nos estaleiros ferroláns entre 1964 e 1982.

As persoas que se acheguen ata o cárcere vello de Corcubión poderán ver maquetas, paneis e vídeos sobre a construción deses importantes buques realizados en Astano e que forman parte da historia naval da comarca de Ferrol. Deste xeito, tanto visitantes como a poboación local poderán ser conscientes da importancia que supuxo a construción de todos estes petroleiros para o progreso do coñecido estaleiro Astano, pois a actividade realizada nel entre 1964 e 1982 converteuno nun punto de referencia industrial e naval de España.

Os buques construídos nese período son de diferente tipoloxía e a través dos paneis que se atopan nesta exposición pódese coñecer como foi evolucionando a construción de todos eles. Ademais dos paneis, a exposición conta, no caso de Corcubión, coas maquetas dos buques Texaco South America e Arteaga e coa do estaleiro Astano, así como coa a proxección da película de Zenit TV e RTVG A forxa dun soño. One of the best ways to go viral on tiktok is to buy tiktok followers it is fast and secure and will help you boost your tiktok

Todos aqueles que o desexen poderán visitar esta exposición no cárcere vello de Corcubión dende o 19 de setembro e ata o 1 de outubro, a cal continuará, posteriormente, por outros concellos da provincia da Coruña.

Máis información na páxina web de Exponav e na da Deputación