Viaxes en veleiro pola Ría de Arousa

As fins de semana, dende A Pobra do Caramiñal
Ría de Arousa Norte » A Pobra do Caramiñal
mércores, 8 Xullo, 2020

O veleiro Mascato estará no porto da Pobra do Caramiñal este verán!

Sábados e domingos dende 18 de xullo ata o 30 de agosto poderase navegar pola ría da Arousa dende A Pobra do Caramiñal para divisar as bateas, embarcacións e a paisaxe.

O traxecto guiado será de 1 hora e 30 minutos. Sairá en quendas de mañá e de tarde ás 11:00, 13:00, 16:30, 18:00 e 19:30 h.

Os prezos por persoa son 12€ por persoa adulta e 8€ por neno/a menor de 12 anos. As familias con máis dun neno ou nena terán un desconto.

A reserva e compra previa de tíckets débese realizar no punto de información turística da Pobra do Caramiñal.

Máis información chamando ó 671 090 262 ou escribindo a turismo@apobra.gal

Reserve a súa praza canto antes!

Iniciativa organizada e cofinanciada pola Concellaría de Turismo da Pobra do Caramiñal.