Ruta ideal para observar os distintos tipos de dunas, as adaptacións da flora dunar ou os habitantes do rochedo.
A educación e os coñecementos adquiridos na ensinanza obrigatoria marcan unhas bases educativas para o ser humano. Así se forxan razóns e xuízos de valor que o estudantado poderá aplicar no resto das súas actividades vitais, servíndolles de ferramentas para a súa futura formación.
O ámbito das ciencias sociais non escapa deste concepto. É máis, convértese nunha ferramenta básica para coñecer a contorna e a historia que nos rodea. Baixo esa premisa propóñense varias rutas que axunten o fomento da percepción do contorno no que viven e que, á súa vez, completen e complementen as materias formativas das aulas.
Desde a Deputación da Coruña trabállase pola conservación e a preservación do patrimonio da provincia do cal é responsable. Por iso crear sinerxías entre o patrimonio cultural e os máis e as máis pequenos e pequenas, convértese nun obxectivo primordial que proporcione valores e coñecementos desde a infancia.
A Deputación da Coruña ofrece neste apartado web unha guía para buscar recursos patrimoniais na provincia susceptibles de ser visitados. Ten un carácter lúdico e formativo para que os máis pequenos disfruten aprendiendo. Experimenta e investiga o patrimonio que te rodea!
Contacto / Reserva
70 resultado(s) obtido(s) para a busca.
Ría de Muros e Noia » Lousame
Ruta duns 14 quilómetros de dificultade media, ideal para contemplar unha gran diversidade arbórea a carón dos regatos e tamén unha ampla variedade de gando pacendo tranquilamente (vacas, cabalos e cabras).
Ferrolterra e Eume » Ortigueira
Nesta actividade levaranse a cabo distintas visitas a lugares onde aínda se recollen as algas de maneira natural.
Ría de Muros e Noia » Lousame
Camiño doado de andar, co que se percorren en torno a 12 quilómetros, avistando moitos dos compoñentes das minas de San Finx, das que se extraeron grandes cantidades de estaño e wolframio, material este último que lles concedeu un papel significativo na historia da Segunda Guerra Mundial.
As Mariñas » Aranga
Cambás é unha parroquia pertencente a Aranga con distintas particularidades: conta coa maior altitude do concello, ten unha paisaxe singular, e é onde máis destaca o sector produtivo da gandería ademais de conservar restos de épocas antergas...
As Mariñas » Aranga
Interesante ruta que permite coñecer as paisaxes naturais e os monumentos do concello de Aranga.
Invitará ás nenas e nenos a reflexionar sobre múltiples aspectos de fontes, o campo da festa, a ponte, a igrexa, o propio concello... posibilitando aprender descubrindo.
5 resultado(s) obtido(s) para a busca.
Non hai resultados.