O Mar e os seus Oficios

As poboacións costeiras viviron tradicionalmente da navegación e da explotación dos recursos mariños, actividades que crearon unha cultura e unha forma de vida propias. Coa chegada da industrialización estes quefaceres experimentaron un gran crecemento. A configuración dunha rede de transporte que permitía chegar máis rápido aos mercados e o desenvolvemento de procedementos para a conservación dos produtos (antes dependentes do secado e as salgaduras típicos da industria conserveira), foron cambios revolucionarios para as xentes do mar. Pero a súa implantación non supuxo unha ruptura radical coas vellas prácticas e oficios, moitos das cales aínda perviven. Basta dar un paseo pola costa para aprecialo.

A industrialización tampouco terminou coa marcada división do traballo aínda vixente. Os homes seguen vinculados ás faenas do mar. E son as mulleres quen desempeñan os traballos na terra, no campo e na casa, tarefas que combinan coa recolección de marisco e a confección de artes para a pesca.