1ª Mostra de Cinema Documental "Mares da Fin do Mundo"

“Mares da Fin do Mundo” é a 1ª Mostra Internacional de Cinema Documental de Galicia centrada no mar e a pesca sostible nas rexións periféricas do Océano Atlántico
1ª Muestra de Cine Documental "Mares da Fin do Mundo"
1ª Muestra de Cine Documental "Mares da Fin do Mundo"
Costa da Morte » Carnota
12 Outubro a 13 Outubro
Lonxa Vella de Lira, Carnota

Trátase dun evento de contrastes: cun forte apego local pero con ampla proxección internacional, enfocado na posta en valor de oficios tradicionais dende unha perspectiva global e moderna. É unha mostra comprometida co medio marítimo e o sector pesqueiro, que busca crear conciencia sobre a necesidade de coidar un dos nosos recursos naturais máis valiosos.

Mares da Fin do mundo é sen dubida unha cita moi interesante para todos aqueles amantes da cinematográfia, especificamente do documental, que queiran ollar a situación do panorma actual, tanto en Galicia como no extranxeiro, no que a producións de tématica pesqueira artesanal e medioambiental se refire. As proxeccións abranguen dúas xornadas; a do venres día 12 onde seran proxectadas dúas curtametraxes e unha longametraxe, producidas en Galicia e con versión orixinal en lingua galega. E a do día 13 onde seran proxectadas dúas curtametraxes e unha longametraxe, de produción internacional en versións orixinais subtituladas o galego.

Tamén haberá actividades complementarias como a exposición fotográfica relacionada co mar e a pesca tradicional e a escola de Cinema Mar de Lira onde os máis cativos poderán desenvolver a súa creatividade audiovisual, nunha actividade formativa e didáctica desenvovida dende o programa Carnota Amiga da Infancia e Adolescencia do Concello de Carnota.

Para rematar cada unha das xornadas contaremos cos concertos do grupo vigués Igmig e de Mounqup que terán lugar os días 12 e 13 respectivamente a partir das 22:00 horas.

Máis info: www.maresdafindomundo.gal ou en www.carnota.gal