Desembarco das tropas de Rodrigo de Luna en Corcubión e Torneo Medieval

Dentro do programa do XVIII Mercado Medieval Costa da Morte que se celebra en Corcubión do 20 ao 22 de xullo son de destacar estas dúas actividades:

- O desembarco das tropas de Rodrigo de Luna en Corcubión no ano 1457. Esta actividade terá lugar o venres 20 de xullo ás 22:30h na praia de Quenxe. Nela participarán, ademais dos especialistas da empresa contratada, a poboación local, recreando o intento de Rodrigo de Luna de tomar a vila de Corcubión aproveitando que Rodrigo de Moscoso, Conde de Altamira, estaba fóra da mesma.

- O Torneo Medieval, unha Xusta entre Cabaleiros que se celebrará o sábado 21 de xullo ás 19:00h na praia do centro da vila de Corcubión.

Animámosvos a todos visitar Corcubión para participar destas actividades e retornar por unhas horas á epoca medieval!

Máis información en Mercado Medieval Costa da Morte - Corcubión.