Exposición “Morcegos de Galiza”

En paralelo a actividade "Noite de Morcegos", a Casa do Concello de Cabanas acolle desde hoxe a exposición “Morcegos de Galiza”, que a través de varios paneis informativos achega ás persoas visitantes ao coñecemento dos quirópteros galegos e a súa importancia na conservación do medio.

“A actividade enmárcase dentro da estratexia Cabanas Sostíbel, na que se engloban diversos plans de concienciación ambiental, así como roteiros interpretativos e actividades para a mellora do medio”, sinalou o tenente alcalde e concelleiro da área, Iago Varela.