Viaxes ao Parque Nacional das Illas Atlánticas de Galicia

A Concellería de Turismo da Pobra do Caramiñal promove viaxes en catamarán ao Parque Nacional Marítimo-Terrestre das Illas Atlánticas de Galicia, dende A Pobra do Caramiñal, esta Semana Santa. Venres 30 de marzo á illa de Ons e sábado 31 de marzo á illa de Sálvora. Os detalles de cada viaxe, expóñense de seguido:

ILLA DE ONS: VENRES 30 MARZO

Saída dende A Pobra do Caramiñal: 10:45 h

Regreso dende Ons: 19:15 h

Prezo: 18€/adulto – Nenos de ata 12 anos de balde

Inclúe: Ida e volta no barco máis ruta de sendeirismo guiada pola illa

ILLA DE SÁLVORA: SÁBADO 31 MARZO

Saída dende A Pobra do Caramiñal: 11:00 h

Regreso dende Sálvora: 17:30 h

Prezo: 15€/adulto – Nenos de ata 12 anos de balde

Inclúe: Ida e volta no barco máis ruta de sendeirismo guiada pola illa (aldea e faro)

En caso de que a empresa decida anular a viaxe por causas climatolóxicas ou por falta de cantidade mínima de pasaxeiros, devolveráselle o importe íntegro do billete.

Ofrecemos información no museo Valle-Inclán en horario de martes a sábado das 11:00 ás 14:00 h e das 17:00 ás 19:00 h e na Casa Mariñeira, a oficina de turismo da Pobra do Caramiñal, situada no parque do Castelo e que estará aberta do 26 ao 31 de marzo no horario de 10:00 ás 14:00 h e das 17:00 ás 19:00 h. Pode chamarnos ao número de teléfono 671 090 262 ou ao 687 482 835, e seguir as novidades na páxina de Facebook oficial, chamada Turismo A Pobra do Caramiñal (ou a través da web oficial).