Visitas seguras con "Muros, vila de auga e sal".

Setembro cultural en Muros: visitas guiadas que percorren a antiga Colexiata, o Centro de Interpretación do Porto e a historia do Camiño desde Muros.
Ría de Muros e Noia » Muros
01 Setembro a 30 Setembro
Muros

#VisitasSeguras con “Muros, Vila de Auga e Sal”, perfectas para un setembro cultural.

"Muros, Vila de  Auga e Sal" ofréceche a posibilidade de coñecer e interpretar un dos pobos mellor conservados da costa galega, a través dunha visita guiada que, de diferentes maneiras, trasládache á Idade Media e tráeche á actualidade.

Un paseo desde a Virxe do Camiño, histórico repouso dos peregrinos que chegaban por mar, pasando polo monumento ás mulleres do mar ata a antiga Colexiata na zona alta, onde percorrerás a súa exposición permanente, contemplarás elementos únicos como a SERPE na pía, coñecerás ao GREMIO DO MAR e disfrutarás desde a torre miradoiro dunha das mellores vistas de Muros.

A visita finaliza no Centro de Interpretación, onde a SARDIÑA e a salgadura son protagonistas. Un vídeo proxectado sobre as paredes pon o broche de ouro para que a auga e o sal de Muros permanezan no teu recordo para sempre.