Feira do Mel

A Feira do Mel de Ortigueira ofrece palestras abertas sobre a apicultura e mercado e actividades lúdicas.

O Concello de Ortigueira coa colaboración da Asociación Galega de Apicultura AGA, organiza cada ano a Feira do Mel do Ortegal. 

A xornada abarca toda unha fin de semana, onde se pode participar de distintas palestras e conferencias ao redor do mundo da apicultura.

Ao mesmo tempo, na carpa situada na alameda poderase gozar de música, xantar popular, xogos, sorteos, feira de artesanía e ata a unha demostración de extración de mel.