Festa do Polbo

A Praia de San Antonio en Espasante, cunhas das vistas máis espectaculares da comarca de Ortegal, acolle a festa que homenaxea a este produto da ría de Ortigueira. 

Nesta xornada pódese degustar o polbo cociñado cunha orixinal receita acompañada con fabas de Lourenzá ou nunha empanada feita de polbo e algas que farán do xantar un auténtico pracer. 

Feira de artesanía, actuacións musicais e ocio infantil son algunhas das actividades que este evento ofrece á marxe do puramente gastronómico.