VI Xornadas micolóxicas de Zas
Unha das citas xa ineludibles do outono no concello de Zas son Xornadas Micolóxicas, organizadas pola Asociación de Veciños de Loroño coa colaboración do Concello e da Pizzería Tívoli.
Este ano a cita prevista é o sábado 16 de novembro, cun día completo que incluirá charla, saída, xantar e presentación e identificación de exemplares recollidos e comentarios sobre a saída no propio restaurante. Un xeito moi práctico de coñecer da man dun experto, como é Tomás Rodríguez Novoa, o ponente deste ano, os tesouros gastronómicos dos bosques do concello de Zas.
A xornada terá os seguintes horarios:
09:30 Charla inicial sobre cogomelos
10:00 Saída a campo para recolección de exemplares
13:30 Volta do campo
14:00 Xantar a base de cogomelos (opcional)
16:00 Presentación e identificación de exemplares recollidos e comentarios sobre saída no propio restaurante.
17:30 Fin das xornadas
O prezo da xornada ten un custo de 6€ (para os menores de 15 anos é gratuita) e conta con prazas limitadas.
Pero ademais, a asociación de veciños tamén quere dinamizar esta xornada cun par de concursos.
- Por unha banda, o IV Concurso de Fotografía Micolóxica, para o que xa están publicadas as bases, e que ten de prazo de presentación ata o 15 de novembro enviando as túas fotos a concursomicoloxia@gmail.com.
- Por outra banda, o IV Concurso de Debuxo Micolóxico. Tamén con prazo ata o 15 de novembro para que os máis pequenos da casa poidan enviar os seus debuxos de papel tendo en conta as seguintes bases.