O Centro etnográfico de Teixeiro acolle un centro de formación e interpretación ao redor do río Mandeo e a súa ribeira.
Este centro de visitantes ofrece unha función formativa a través de aulas, cursos e talleres e divulgativa a través do centro de interpretación, a través do cal se pon en valor o patrimonio cultural e etnográfico da conca do Mandeo.
Neste centro ofrécense visitas didácticas especialmente orientadas a xente moza en idade escolar. Conta cunha museografía moderna e interactiva posta ao servizo da persoa visitante que mediante a observación e a experimentación poderá aprender cousas por si mesma.
HORARIO:
De martes a venres de 10:00 a 13:00 e de 16:00 a 19:00.
Os sábados e domingos de 10:00 a 13:00.
Luns pechado
Teléfono de atención a visitantes: 981 789 589
Coa colaboración do Concello de Curtis
