A área de Turismo da Deputación da Coruña puxo en marcha a iniciativa 'A provincia que sabe' co obxecto de identificar a excelencia da cadea agroalimentaria da provincia.
'A provincia que sabe' nace, por tanto, como un distintivo específico para agrupar baixo un mesmo paraugas produtos agroalimentarios, empresas de transformación, distribuidoras e establecementos hoteleiros e de restauración, que desenvolvan a súa actividade con parámetros de sustentabilidade e calidade.
'A provincia que sabe' servirá, ademais, para que turistas que buscan a autenticidade nos lugares que visitan, consumidores que priorizan a calidade e o compromiso co territorio á hora de comprar e/ou facer reservas, e a propia comunidade local, conten cun único recurso que unifique os seus criterios de busca.
Para participar nesta iniciativa, e acadar a identificación 'A provincia que sabe', é preciso solicitalo a través do seguinte formulario
Iniciativas que poden formar parte de 'A provincia que sabe':
- Empresas /persoas autónomas produtoras
- Empresas de transformación agroalimentaria
- Empresas hostaleiras e de restauración
Marcas ou estratexias de calidade coas que deben contar as empresas/persoas autónomas solicitantes:
- Q de Calidade Turística
- SICTED
- Galicia Calidade
- Norma ISO
- Marca de calidade de Xeodestino
- Marca de calidade local
- I.X.P.
- D.O.
- Empresas que non conten con ningún distintivo dos anteriores pero que estean avaladas polo xeodestino en canto a compromiso inequívoco coa sustentabilidade, a calidade e a economía circular
Vantaxes de formar parte de 'A provincia que sabe':
- Formar parte dun selo de promoción que identifica iniciativas agroalimentarias e gastronómicas coa "excelencia", no marco da provincia da Coruña
- Formar parte do circuíto de promoción da Deputación da Coruña en foros e certames especializados, tanto dentro da Galiza como no resto da Península
- Contar con material promocial específico que identifique cada empresa co distintivo 'A provincia que sabe'
