Torres do Allo

O Pazo das Torres do Allo, situado no Concello de Zas, é un dos pazos máis antigos de Galicia.
Torres do Allo
Torres do Allo
Patrimonio provincial
Costa da Morte » Zas

O Pazo das Torres do Allo, situado no Concello de Zas, é un dos pazos máis antigos de Galicia, remontándose a súa construción a finais do século XV. Na súa visita poderemos ver un exemplo da vida nobiliar da alta idade media. Este edificio foi contruído pola familia Gomes de Rioboo, vasalos dos Condes de Altamira.

O edificio está situado nun terreo, no que hoxe en día existe unha explotación de maceiras. O exterior está rodeado de prados e piñeiros. Chégase por unha estrada de falsos plátanos e carballos ata unha praza na que se atopa o portal de entrada ao recinto amurallado. Está composto por dúas torres de tres alturas unidas polo núcleo do edificio de só dúas plantas.

Visita gratuíta.

HORARIO:

Horario de verán: do 15 de setembro ao 31 de decembro

  • Sábados, domingos e festivos de 11:00 horas a 19:00 horas

Preferible reserva previa. Aforo limitado a seis participantes: info@torresdoallo.gal ou no WhatsApp  655 716 743

Xogo de pistas dentro do horario de apertura e visita á exposición temporal “Zas polo miúdo”.

Coa colaboración do Concello de Zas.

INFORMACIÓN RELATIVA AO CORONAVIRUS:

  • A entrada aos recintos deberá realizarse con máscara, que deberá levar cada persoa posta, excepto menores de 6 anos.
  • Deberán gardarse as normas de distanciamento e respectar o aforo máximo indicado para o recinto.
  • Na páxina web figurará o aformo máximo indicado para cada centro. Empregarán xel hidroalcohólico que estará a súa disposición. 

Os servizos de atención a visitantes ofrecidos pola Deputación da Coruña teñen carácter gratuíto. 

Información adicional: Servicio de Patrimonio de Contratación. Tlf: 981 080 314 / 981 080 300