Situado nun montículo rochoso entre os ríos Eume e Sesín, na Fraga do Eume, de incomparable beleza, érguese este mosteiro que sufriu numerosas intervencións ao longo da súa historia. As súas orixes remóntanse ó seculo X en que se teñen as primeiras noticias da existencia de vida monástica neste lugar. A historia de Caaveiro vencéllase a S. Rosendo e pertenceu á orde de S. Bieito e posteriormente foi mosteiro de coengos regulares de S. Agustín.
Trátase dun conxunto de edificacións, algunhas xa desaparecidas: Igrexa principal, Igrexa de Santa Isabel, celdas, cabildo, sancristía, pozo, almacéns, arquivo, torre-campanario, etc.
No Parque Natural das Fragas do Eume restrínxese o uso de vehículos particulares durante a Semana Santa e os meses de verán. Dada a gran afluencia de visitantes neste período tanto ao Parque Natural como ao Mosteiro de Caaveiro, a Deputación da Coruña, en colaboración coa Consellería de Medio Ambiente e Ordenación do Territorio , ( servizo de conservación da natureza ) , ven prestando un servizo de transporte de visitantes por medio de autobuses entre o Centro de Interpretación do Parque Natural e a Ponte de Caaveiro.
A Deputación da Coruña e os Concellos onde se sitúan as Fragas do Eume e o Parque Natural están a realizar diversas actuacións para a posta en valor deste Parque Natural, onde se atopa situado o Mosteiro de Caaveiro. Neste sentido, a Deputación, en colaboración cos Concellos e a Xunta de Galicia (Servizo de Conservación da Natureza), quere facilitar o acceso ás Fragas e ao Mosteiro e ofrecer diversas alternativas ao visitante, ademais da entrada a través do portal do Parque Natural por Pontedeume, especialmente a aquelas persoas visitantes que realizan pequenas rutas de sendeirismo polo interior do Parque Natural. Estas rutas tamén poñen en valor o Portal da Capela (construído e financiado con fondos da Deputación Provincial), xa que este acceso ofrece unhas posibilidades turísticas magníficas e potencia unha zona de grandes valores paisaxísticos e ambientais de carácter natural e etnográfico
HORARIOS:
Apertura
Días: tódolos días da semana, incluso domingos e festivos
Horario: de 09:00 a 21:00
Atención ao visitante (do 1 de xullo ao 15 de setembro, ambos inclusive)
Teléfonos de contacto de atención de visitas guiadas:
- Guia: 695 980 038
Días: tódolos días da semana, incluso domingos e festivos
Horario: de 10:30 a 14:00 horas e de 16:00 a 20:00
Con motivo da restrición de acceso de vehículos particulares ao mosteiro de Caaveiro durante o verán (1 de xullo ao 4 de setembro de 2022), a Deputación da Coruña coa colaboración do Parque Natural das Fragas do Eume, pon a disposición dos visitantes un servizo gratuíto de transporte que conectará o Centro de Interpretación das Fragas do Eume co mosteiro de Caaveiro, de acordo con horarios que figuran a continuación:
Saída Centro de Interpretación: de 10:30 a 13:30 e de 16:00 a 20:00 cada hora.
Saída Mosteiro de Caaveiro: de 11:00 a 14:00 e de 16:30 a 21:30 cada hora.
Chegada Centro de Interpretación: de 11:15 a 14:45 e de 16:45 a 21:45 cada hora.
Infórmase da modificación dos servizos de visitas ao Mosteiro de Caaveiro nas seguintes datas e horarios:
Día 27 de agosto de 2022
Con motivo da celebración da proba deportiva “55ª Baixada do Eume en piragua” suspéndese o servizo de autobuses entre as 14 e as 19 horas.
As visitas ao Mosteiro continúan no horario habitual.
Día 4 de setembro de 2022
Con motivo da realización do evento “Espazos Sonoros 2022, suspéndense o acceso e as visitas ao Mosteiro, tanto libres como guiadas, entre as 13.00 h e as 19.00 h.
Suspéndese o servizo de autobuses a partir das 13:30 horas.
Só se permitirá o acceso ao público inscrito na actividade Espazos Sonoros 2022 que poderá utilizar os autobuses lanzadeira previstos para tal efecto.
Máis información en: https://www.dacoruna.gal/patrimonio/mosterio-caaveiro/