Dolmen de Dombate

Coñecido como a "Catedral do Megalitismo galego", trátase do dolmen máis emblemático e estudiado de Galicia.
Patrimonio provincial
Costa da Morte » Cabana de Bergantiños

Monumento funerario do Neolítico composto dúas mámoas superpostas: unha mámoa de 24 metros de diámetro e 1,8 metros de altura que presenta unha cámara poligonal longa, de sete ortostatos, aberta ao exterior a través dun corredor de tres treitos, orientado ao leste, ben diferenciado tanto en planta como en alzado. Este corredor, que aparecía tapado por unha lousa a xeito de porta continúa cara o exterior a través dun corredor ou dromos existentes na masa tumular.

Tanto a cámara como o corredor, presentan importantes restos de arte, sexa gravado ou pintura. É un túmulo antigo de 10,5 metros de diámetro e de 1 metro de altura, cunha estrutura interna formada por unha cámara de nove ortostatos aberta ao leste, ao que se accedía por unha entrada en pozo.

Este monumento megalítico é propiedade da Deputación da Coruña desde 1975.

Catálogo en formato PDF (11 MB) : "O dolmen de dombate: Arqueoloxía, Arquitectura e Conservación"

VERÁN VISITAS LIBRES: do 1 de xuño ao 30 de setembro, todos os días da semana durante o verán en horario de 09:00 a 21:00

VERÁN VISITAS GUIADAS: do 1 de xullo ao 15 de setembro. De luns a domingo de 11:00 a 14:00 e de 16:00 a 20:00

Visitas guiadas cada 30 minutos: comezando a primeira ás 11:00 e a última ás 19:30

VISITAS GUIADAS NOCTURNAS: 

No mes de xullo os venres 9 e 23 ás 23:00

No mes de agosto: os venres 6 e 20 ás 23:00

En colaboración co Concello de Cabana de Bergantiños.

Télefonos de contacto:

- Atención ao público/guía: 672 435 736

- Centro Arqueolóxico Dolmen de Dombate: 618 575 481

- Concello de Cabana de Bergantiños (horario de mañá): 981 75 40 20

INFORMACIÓN RELATIVA AO CORONAVIRUS:

  • Atención das visitas guiadas e por libre por orde de chegada
  • Obligatorio uso de máscara
  • Deberán gardarse as normas de distanciamento e respectar o aforo máximo indicado para o recinto.

Os servizos de atención a visitantes ofrecidos pola Deputación da Coruña teñen carácter gratuíto. 

Información adicional: Servizo de Patrimonio e Contratación. Tlf: 981 080 314 / 981 080 300

http://www.dacoruna.gal/patrimonio/